دانة

وايد موضوعج حلو ، عجبني


باقولج شغلة
ضيعت من عمري سنوات وانا انكد
على نفسي بسبة تصرفات الاخرين تجاهي
لاهم اللي تغيروا ولا انا اللي ارتحت


من جم سنة فعلا قررت اني اسامح واتسامح
وما ادقق
والنماين اللي ذكرتيهم
بالبوست قمت اعطيهم طاف

واذا حيل عزيزين
اوجد لهم الاعذار
ووااااااايد حسيت براحة اكبر
وان الله معاي وياخذ حقي
ويمسح على قلبي


بس حبيت اقولج قواج الله
وفعلا فتحي صفحة يديدة وبيضاء
وحلوة وحبي الدنيا .. الدنيا تحبج

ولا تكدرين خاطرج
ترى الدنيا ماااااا تسوى

دندووون "طيحت الميانه"
والله عفيه عليج
بلوقج مع ان في اعتراف بأخطاء يمكن الأغلبيه منا يسويها
بس مليان أمل
وشجاعه
بصراحه ودي اسوي نفسج وأقرر اني ما اكون مع التيار خصوصا لما قلتي
"
الورقة الثانيه==============
مقربون مقربون ... شئنا أم أبينا مقربون
نقدم ونتنازل ونخلص ونكون أصحاب المواقف معهم وفي النهاية نحن معدمون...
مقربون منهم وهم غرباء عنا نقف بمصائبهم وحاجاتهم ليكون هو الواجب علينا ..
. فيقفون بجوارنا ليكون المقابل بالنسبة وبعدد معلوم
وأنا الآن أمزقه
"
صعبه الواحد يتخلص من هالشي وانا بفهمي لهافقره انج تقصدين المجاملات الاجتماعيه واللي يكون أغلبها مجرد بروتوكول مكرر ويتكرر

اختي دندون ترى عندنا وعندج خير ولما قريت البلوق حسيت اني اشوف روحي بالمرايه
اتمنالج بدايه حلوه وناجحه وبعيده عن أي ورقه خسرانه
موفقه
:)

و أنا سأبدأ بتمزيق أوراقي السوداء .. فقد حان وقت اتخاذ القرار ..

ما كان لنا أن ننصاع لمداراة أناس ليس في قلوبهم ذرة إحساس أو تقدير لما نفعل ..

كل يرى الظلم وقع عليه في مجاله ..

و ما عليج من الناس و كلامهم .. سوي اللي انتي تشوفينه صح .. و لا تجاملين على حسابج أبدا ..

و أطلبج طلب دانة ..

رجاءا .. ماله داعي تمسحين المواضيع القديمة ..

فهذه مدونة جميلة بحلوها و مرها ..

مع الأيام ستبقى ذكرى فقط .. و ستضحكين على كتاباتك في يوم ما ..

خليها للذكرى
:)

Vancouver :

هلا والله بالغالية :)
جد وجودج يسعدني ويشرفني والله :)

وأنا فعلا قررت أفتح صفحه يديده وبيضه مع الدنيا ومع إنسان يحبني ويقدرني وأنا بعد أحبه والله :)

وفعلا الدنيا ماتسوى ..

الحمدلله حمداً كثيراًوأشكر ربي كثيراً كثيراً لأنه عطاني هالإنسان الي عوضني كل شي وعسى الله يخليه لي يارب :)

مرورج وتعليقج وسام على صدري :)

Q8DOLL :

لووول أفا عليج إنتي غالية وطيحي الميانه :)

بالنسبة للورقه الثانية ..
فعلا أقصد المجاملات وهم أقصد إنه نعطيهم ماي عيونه وأهما مايهتمون للأسف !!

صيري شجاعه وسوي مثل ماسويت ...

وأنا اتمنالج بدايه حلوه وناجحه وبعيده عن أي ورقه خسرانه
وإن شاءالله الله يوفقنا ويبعدنا عن الشر يارب ..

مرورج شرف لي والله :)

Kuw_Son :

هلا والله خالد :)
يلا يا خالد إبدأ بتمزيق أوراقك السوداء .. فقد حان وقت اتخاذ القرار ..
صدقني راح ترتاح وااايد وخصوصا لمن توضح الرؤيه عندك وتشوف الناس إلي يحبونك والله :)

والحمدلله دايما أسوي الشي الصح وإلي أشوفه صح أسويه ومالي شغل بأحد :)

بالنسبه لطلبك

للأسف أمس مسحت كل شي وبس هذي الكتابه خليتها عشان تقرونها وبعدين بمسحها ...
تدري ليش ؟؟
لأني قررت أنسى كل شي مؤذي بحياتي ..
مابي أذكر شي ..
ببدي صفحه يديده بيضه إن شاءالله مع إلي أحبهم ويحبوني وعسى الله لا يحرمني منهم يارب :)

يالله يا خالد هم إنت مزق كل الأوراق السوده وأنا معاك أساعدك وأشجعك :)

ولا تنسى بنتك دلوله عسى الله يحفظها لك يارب :) ترى إهيا الصفحه البيضه إلي بتسعدك إن شاء الله :)
وعسى الله يبلغك فيها يارب :)

دانة كلامج باعث للأمل

و أتفهم موقفج بكل وضوح في قطع الصلة بين الماضي اللي ما يسرج باللي فيه من أحداث أثرت فيج و ضيقت خلقج و عيشتج ..

الله يكتب لج اللي فيه الخير .. و عسى الله يرزقج بالناس الطيبين اللي يقدرونج و يحبونج لذاتج .. لا لأعمالج أو صنيعج و معروفج لهم ..

و أقدر وقفتج معاي يا دانة .. فيج الخير و من طيب أصلج الله يحفظج ..

صفحاتي السوداء الماضية .. طويتهم ولله الحمد .. بس بعض الآثار باقية و إن شاء الله مع الزمن كل شي يتصلح بعون الله ..

و بنتي دلوولة هي صج الصفحة البيضة في حياتي السابقة .. هذي أفضل و أحلى هدية أو منحة طلعت فيها من الفترة السودة الماضية ..

عسى الله يحفظها و يبارك فيها و يحفظ لج كل غالي ..

و لا تنسين متنووووه
:P

زيين تحجيتي يا دانه
:)

كلامج دليل على انج فعلاً غيرتي نفسج
وتبين الأفضل
تعلمت إني لازم أحرص على مشاعري قبل مشاعر الآخرين
وإن ما انتظر من أحد شعور مقابل شي

تشبيه جميل
:)

كلناعندنا أوراق بحاجة إلى تمزيق
الله يوفقج يا دانه بكل أمور حياتج

روووووووووعة

يا سلام عليج يا سلام عليج

يا دانة العشاق

كلامج إيهبل

حسيته طالع من القلب

إنتي رائعة

جميل جدا جدا

لا لا لا
انها ليست اوراق
انها مواعظ
لا لا لا لا
حكم
لا لا لا
لايمكن ان تمزق

لا لا لا

Kuw_Son :

مشكور يا خالد وإنت تستاهل الطيب والله :)
وأهم شي متنوووووه ;p


جنون إحساس :

هلا والله بالغالية :)
فعلا تحجيت لأنه هذا أخر شي بيطلع من قلبي إن شاء الله :)

وفعلاً غيرت نفسي
وأبي الأفضل
وتعلمت إني لازم أحرص على مشاعري قبل مشاعر الآخرين
وإن ما انتظر من أحد شعور مقابل شي
:)

هذي الأوراق السوداء مزقتها ورميتها بسلة المهملات للأبد ..

شرفتيني وأنستيني والله يحفظج ويخليج يارب :)

الأستاذ بلاليط :

هلا والله فيك بمدنونتي الصغيره وشرفتني :)

لا تحاتي .. أنا مزقتها وحرقتها بثقه :)

مرورك وتعليقك يسعدني والله :)

Almas :

إني الأروع وإنتي إلي تهبلين والله :))
وفعلا هالكلام طالع من قلبــــــي :)

شرفتيني وأنستيني والله ياألماس :)

barrak :

أهلا أهلا بالكاتب الكبير براك :)
كم يشرفني تعقيبك وتعليقك بمدنونتي المتواضعه ..
وجودك وتعليقك .. وسام شرف والله :)

يمكن تمزيقها ... ومزقتها وحرقتها ورميت برمادها للبحر ..

بارك الله فيك وليحفظك الرحمن :)

ولا احط فى بالى ان اعور راسى مع احد خصوصا التوافه

طلب

اللون اللى تكبتين فيه مع الخلفية سورى بس عمى عينى :)

يعنى بالغصب اقراه:)

Mishari :

هلا فيك يامشاري وعدل كلامك صح الصح :)
وتآمر أمر راح أغير لون الخط بس قولي أي لون يريح عيونك ؟؟

وأنا حاضر :)
تسلم يامشاري على مرورك وكلامك الطيب يا طيب :)

هذه هي الدنيا
أوراق وأوراق
ذكريات تتلوها ذكريات ووقائع

ونحن نكتب ثم نمزق ثم نعود ونكتب
ثم نمزق وهكذا تستمر الحياة

لكن الأهم أن نتذكر جيدا ما كتبناه
في تلك الأوراق الممزقة
حتى لانكتبه مرة ثانية ثم نمزقه

ودمتم بحب وود

لاتمسحين شي

بالعكس
خليه عشان تشوفون اشلون تغيرتي واثبتي لنفسج هذا الفرق

sologa-bologa:

أهلا بك أخي العزيز :)
فعلا الأهم أن نتذكر جيدا ما كتبناه
في تلك الأوراق الممزقة
حتى لانكتبه مرة ثانية ثم نمزقه

شرفتني أخوي :)

======================

مجهول :

هلا فيك والله شرفتني ..
صراحه وعدت نفسي أمسح كل شي كتبته حزين عشان أبدي بحياة كلها فرح وبهجه بإذن الواحد أحد :)

بس المدنونه هذي ماراح أمسحها رغبتاً لكل إلي إطلبوا مني ماأمسحه ..

مشكور على هالطله الحلوه والله :)

رأيي أن الانسان ان كان يوما من الأيام يبذل بصدق، لا بد أن يمر بمثل هذه الصدمات.. لأنه سيكون أقوى وأقوى في مواجهة الحياه.

ولنتخيل جميعا أن قرار تمزيق الاوراق جاء بعد فترة طويلة أو بعد عمق العلاقة وزيادة آثارها ألن يكون الحال اسوأ؟؟

سبحان الله مررت ومر كثير ممن أعرفهم بظروف كانو يقولون اثناءها نتمنى أننا لم نولد.. أما اليوم فعدما أذكرهم بها يقولون الحمد لله انا مرينا بهالشي علشان نكون اقوى ونفهم الحياة كما يجب
وجزء كبير انا فهمته لما دريت ان احلى لحظات الانسان لما يتعلق بربه

اهداء
http://www.4shared.com/file/20953882/c6414ec2/3reeb.html

ربي يوفقنا لرضاه