اليوم حبيت أنوع بمواضيعي .. بأن أقولكم جزء بسيط من أعمالي :)
مع إني ماحب أقول .. لكن هالمره بقول لأنه صار موقف عجيب بالموضوع هذا :)
...
طبعا تعرفون لورا المزيونه :) خذيتها معاي المكتبه وقلتها : لورا دوريلي مجله حلوه ؟؟
مسكينه البنت صارت تحوس تدور مجلات حلوه لوووووول مع العلم إنه عمرها 4 سنوات :)
...
وفجأه يابتلي مجلة ولدي وفيها صورتها عالغلاف !!
وقالتلي : دانة هذي البنيه لابسه نفس تاجي القطيوه ..... لووووووووول
وقالتلي : دانة هذي البنيه لابسه نفس تاجي القطيوه ..... لووووووووول
...
لورا ماإستوعبت إنه هذي إهيا ;p
...
أهم شي إنها ركزت على التاج وماركزت عالويه ;p
...
وأنا ليلحين ماقلتلها إنها إهيا لوووووول جذي نحاسه ;p
...
ويات وحده وخربت علي جان تقول حق لورا هذي البنت تشابهج .. هذي إنتي
لووووول لورا ماإستوعبت ;p
بس كان ويها صج يضحك جد ضحكت عليها مسكينه إفتر مخها لووول ;p
...
مجلة ولدي : هي مجلة شهرية - أسرية - تربوية
ترشد الوالدين لمهارات تربية الأبناء وفن التعامل مع المراهقين
مجلة حلوه وقيمه لما فيها من معلومات ..وأنصح فيها
...
موضوع قثني قبل جم يوم ..
ياناس ياعالم إذا إنتوا ماتبون هالشخص ولا تبون صداقته ؟؟
لاتتبلون عليه بمنكر !!خافوا ربكم فيه
ترى كما تدين ... تـــــــــــــــــدااان
( حسبي الله ونعم الوكيل على كل ظالم )
...
أسفه دخلت عرض بالموضوع .. لكن شي يحر ويقث لمن تكون صديق وفي وشايل صديقك بعيونك وقلبك
وماترضى عليه ودايما تحط الغلط فيك بس عشان ماتزعله ... وأخر شي ؟؟؟
يتبلى عليك بمنكر!! بشي مايرضى فيه رب العالمين
...
إعلم يا هذا ... أن الله فوق كل ظالم
...
المهم ربنا دايما يعوضنا بالأحسن .. وكل شي بالدنيا له حكمه من رب العالمين :)
إن شاء الله الموضوع إلي فوق عجبكم :)
...
ملاحظه : صورة الغلاف تختلف عن الصورة الأصلية وذلك بسبب الطبعه
شكر خاص لأخي الكبير محمد الكندري :)
posted by Dana__23 at ١١:٢٦ ص
الله يحفظها و يحميها و يخليها حق أهلها
إسم الله عليها
ما إستوعبت
هاهاهاها
------
الموضوع قثني
إييي و الله
راحت مخافة الله
الله لا تبلينا بناس جذي و يحمينا ويستر علينا دنيا وآخرة