وإن شاء الله ماأنقطع عن النت :)
عقب ماشفتوا صور متنوه عالبلوزه والكبوس والصحن والمخدات والكروت ..
تحسبون إنه أنا مسويتهم وموزعتهم بالسوق @@
***
القصه : إنه من بداية رمضان وولدنا ناشرينه عند كل المصورين كاموديل عندهم عشان الناس
تصور عندهم وتسوي بلوزات وكبابيس وكروت ...
***
مع العلم إنه أغلب صوري ياخذونهم من فلكر وينسبونهم لهم وياخذونهم لأغراض تجاريه
وأنا ماكنت أدري !!
***
إلي قالي عن صوري أهما صديقاتي ومنهم بفلكر
FatoOoma Qatar
FatoOoma Qatar
والباجي صديقاتي بس خارج فلكر ..
وصوري لقوهم
بالشاميه وبالنت وبكل مكان متنوه صوري
***
أنا ماني زعلانه لأنه مو شي يديد علي ..
بالعكس .. أصلا ضحكت لأنه ولدنا بكل مكان حاطينه موديل ;p
***
بس السالفه الي صج تضحك ..
إنه لمن رفيجتي دقت علي وأنا نايمه قالتلي :
دانه ولدكم بكل مكان تعالي لحقي !!
***
أنا دايخه مادري شسالفه !!
بس عقب فهمت ..
وقالتلي لازم أروح أكلمهم ..
***
قلتلها أكلم منو ولا منو ؟
أصلا من زمان والناس طايحه بوق بصوري وتعودت عالسالفه :)
***
وعقب رحت لهم بعد حنه من كل صوب يقولولي أروح أكلمهم ..
صراحه ماحب المشاكل وعوار الراس
والحمدلله الله معوضني :)
***
طبعاً مارحت بروحي ..
لأني مابي أتكلم وأحاجيهم ..
بس خذيت صورة ولدنا متنوه عشان أثبت انه ولدنا :)
***
شوفوا الحوار إلي دار بينا وبين المصور ..
إحنا : هذا إنت مسوي الصورة ؟؟
الريال : إي أنا ومصور ومسوي الديزاين
إحنا : أكيد ؟؟
الريال إخترع وحس إنه السالفه فيها شي جان يقول
الريال : لالا الصور منزلها من النت وأنا مسوي الديزاين
إحنا : إنت منزل الصورة من النت ؟؟ أكيد ؟؟
الريال إخترع وخاف
الريال : لالاالشركه نزلت الصور وأنا سويت الديزاين
إحنا : اممم هذا ولدنا وليش حاطينه بدون استئذان !!!
وطلعناله الصورة الأصليه
إطلعت عيونه بره وإخترع @@
عاد رد وغير أقواله وقال
الريال : أنا مالي شغل وماسويت شي وهذي الشركة دازته لنا وإحنا حطينا
يعني مو أهوا إلي مسوي الديزاين @@
***
عقب عطانا رقم الشركه وكلمناهم وانا ميته ضحك لووووول
***
عاد صاحب الشركه اعتذر وقالنا ناخذ كل المنتجات إلي فيه صور ولدنا ببلاش ;P
لووووووووووووول
بس هم قالنا اذا احتاج اي صوره راح يبلغنا وماراح يبوق من النت ;p
***
عاد إحنا خذينه كل شي وماخلينا لهم غير كرتين لصورة متنوه
وكبوس1 على متنوه بس جذي دعايه ;p
***
عاد رحت على طول ألبس متنوه البلوزه إلي على صورته لوووول
إطلعت قده بالضبط :)
***
أول مره أروح أطالب بحقي :)
***
صراحه مايهمني اذا احد باق صوري من النت
لأنه إلي بالنت هذيله زايدين :)
***
تعودت على سالفة البوق :)
***
يبا عليكم بالعافيه ... بس خلوا توقيعي عالأقل :)
***
اشرايكم بالموقف هذا ؟؟
شنو شعوركم أو شتسون اذا شفتوا صوركم او صور عيالكم ناشرينهم كا موديل بكل مكان @@؟